Intel announces new 8th gen Core processor with AMD Radeon RX Vega M graphics

انٹل نے AMD Radeon RX Vega M گراافکس کے ساتھ 8 ویں نسل کے کور پروسیسر کا اعلان کر دیا

انٹل نے AMD Radeon RX Vega M گرافکس کے ساتھ 8 ویں نسل کے پروسیسرز کی ایک نئی سیریز”کور“ کا اعلان کیا ہے۔ یہ اصل میں انٹل کے سی پی یو ڈویژن اور اے ایم ڈی کے گرافکس ڈویژن کا اشتراک ہے۔اس نئی سیریز کے پروسیسر کو انٹیگریٹڈ سسٹمز جیسے AIOs، نوٹ بکس اور NUCs میں استعمال کیا جائے گا۔
اس پروسیسر کے تین حصے ہیں۔ پہلا حصہ Intel Core Kaby Lake-G سیریز سی پی یو، دوسرا AMD GPU اور تیسرا 4GB HBM2 VRAM ہے۔

اس میں جی پی یو اور VRAM کمیونی کیشن کے لیے Embedded Multi-Die Interconnect Bridge یاEMIB استعمال کرتے ہیں۔ یہ ایک ہائی سپیڈ انٹرفیس ہے، جس ان پروسیسرز کے لیے ڈیزائن کیا گیا ہے۔جی پی یو اور VRAM ا سکے بعد پروسیسر میں x8 PCIe 3.0انٹرفیس پر سی پی یو سے کمیونی کیشن کرتے ہیں۔یہ سارا سسٹم 1.7 ملی میٹر موٹی چپ میں سمو دیا گیا ہے۔

اس چپ کی چوڑائی کریڈٹ کارڈ سے بھی کم ہے۔

اس پروسیسر کی وجہ سے مدر بورڈ کافی چھوٹے ہو جائیں گے کیونکہ اس سے پہلے سی پی یو ، جی پی یو اور VRAM پورے مدر بورڈ پر الگ الگ پھیلے ہوتے تھے۔
اس سیریز میں 5 انفرادی پارٹس i7-8809G, i7-8709G, i7-8706G, i7-8705G اور i5-8305G شامل ہیں۔ان کی کلاک سپیڈ مختلف ہے لیکن سب میں 8 ایم بی کیشے کے ساتھ 4 کور 8 تھریڈ پارٹس شامل ہیں لیکن i5 میں کیشے 6 ایم بی ہے۔ان میں 2400MHz تک کی ڈوئل چینل میموری سپورٹ ہے۔

سیریز کے دو ماڈلز(8809G اور 8709G) میں Radeon RX Vega M GH گرافکس اور دوسری تین میں Radeon RX Vega M GL گرافکس ہے۔الگ سے گرافکس ہونے کے باوجود اس میں Intel HD Graphics 630 شامل کیا گیا ہے۔
انٹل نے وی آر کی قابلیت والے NUC8i7HVK اور NUC8i7HNK، NUC بھی متعارف کرائے ہیں۔ ڈیل اور ایچ پی نے بھی ان پروسیسر کے حامل 2 ان 1 نوٹ بکس متعارف کرائیں ہیں۔